നിസ്സംഗതയുടെ മറുപദമല്ല ക്ഷമ

🥭 *ജ്ഞാനധ്യാനം* 🥭

2️⃣0️⃣2️⃣0️⃣ *ജൂൺ* 0️⃣4️⃣

 *നിസ്സംഗതയുടെ മറുപദമല്ല ക്ഷമ* 

"എന്‍െറ പിതാവിന്‍െറ ആലയം നിങ്ങള്‍ കച്ചവടസ്‌ഥലമാക്കരുത്‌."

(യോഹന്നാന്‍ 2 : 16)

പൊതുവെ വളരെ ശാന്തനും സൗമ്യനുമായി പ്രത്യക്ഷപ്പെടുന്ന ഈശോ കയറു കൊണ്ട് ചമ്മട്ടി ഉണ്ടാക്കി നാണയമാറ്റക്കാരെയും കച്ചവടക്കാരെയും അടിച്ചു പുറത്താക്കി... 

ഞാൻ ശാന്തശീലനും "വിനീതഹൃദയനുമാകയാൽ നിങ്ങൾ എന്നിൽ നിന്ന് പടിക്കുവിൻ" എന്നരുളിചെയ്തവൻ പ്രവാചകധീരതയോടെ ദേവാലയത്തിന്റെ പരിശുദ്ധിക്ക് യോജിക്കാത്തവിധം വ്യാപാരിച്ചവർക്കെതിരെ ആഞ്ഞടിച്ചു... 

തിന്മ കാണുമ്പോൾ മിണ്ടാതെ വായടച്ചിരിക്കുന്നത് സൗമ്യതയും ക്ഷമയുമായി കരുതുന്നവർക്ക് ഒരു തിരുത്താണിത്... 

പാപത്തോടും തിന്മയോടും സന്ധിയില്ലാസമരം പ്രഖ്യാപിച്ചവന് ചിലപ്പോൾ ചമ്മട്ടി എടുക്കേണ്ടതായി വരുന്നു... 

തിന്മക്ക് വളരാൻ വളം വച്ച് കൊടുക്കുന്ന നിസ്സംഗതയും അപകടകരമായ മൗനവും ക്ഷമ ആയി വ്യാഖ്യാനിച്ചും ന്യായീകരിച്ചും പ്രവാചകദൗത്യത്തിൽ നിന്ന് ഒഴിഞ്ഞു മാറരുതേ...

ക്ഷമയും നിസ്സംഗതയും വല്ലാതെ കൂട്ടികലർത്തുന്നു നമ്മൾ... 

ക്രൈസ്തവ ക്ഷമയിൽ തിന്മ തിന്മയാണെന്ന് പറയാനുള്ള ആർജ്ജവത്വം കൂടി ഉൾച്ചേർന്നിട്ടുണ്ട്... 

ക്രൈസ്തവക്ഷമയിൽ വിശ്വാസസംരക്ഷണം(Defending of Faith ) കൂടി നിഴലിക്കുന്നുണ്ട്... 

നാളുകളായി നാം കണ്ടുകൊണ്ടിരിക്കുന്ന കുറച്ച് യാഥാർഥ്യങ്ങൾ ഉണ്ട്.... 

ഒളിച്ചിരുന്ന് സഭക്കെതിരെ സൈബർ ആക്രമണം നടത്തുന്ന വർഗീയ ശക്തികളുടെയും സാത്താന്റെ കാവലാൾ പടകളുടെയും തിന്മയും പകയും രൗദ്രരൂപം പൂണ്ട് അതിന്റെ മൂർദ്ധന്യതയിൽ എത്തി നിൽക്കുന്നു... 

പെരുംനുണയനും ആദിമുതൽ കൊലപാതകിയുമായ ലൂസിഫർ ("പിശാചാകട്ടെ ആദിമുതല്‍ കൊലപാതകിയാണ്‌. അവന്‍ ഒരിക്കലും സത്യത്തില്‍ നിലനിന്നിട്ടില്ല...കാരണം, അവന്‍ നുണയനും നുണയുടെ പിതാവുമാണ്‌."

യോഹന്നാന്‍ 8 : 44)

ഒരു സന്യാസിനിയുടെ വേഷത്തിൽ ഉറഞ്ഞു തുള്ളൽ തുടരുന്നു... 

("അദ്‌ഭുതപ്പെടേണ്ടാ, പിശാചുപോലും പ്രഭാപൂര്‍ണനായ ദൈവ ദൂതനായി വേഷംകെട്ടാറുണ്ടല്ലോ."

2 കോറിന്തോസ്‌ 11 : 14)

ലൈംഗിക അടിമകൾ ആക്കി പെൺകുട്ടികളെ ലവ്ജിഹാദിന്റെ ഇരയാക്കി മാറ്റുന്ന കപട തന്ത്രങ്ങൾ തുടരുന്ന വർഗീയ ശക്തികൾ ആഴത്തിൽ വേര്‌ പാകിയിരിക്കുന്നു... 

മതാന്തരസംവാദത്തിന്റെയും മതമൈത്രിയുടെയും വെള്ള പൂശലുകളിൽ ക്രിസ്‌തീയ വിശ്വാസം അതിന്റെ തനിമയിൽ പങ്കുവക്കപ്പെടാതെ പോകുന്നു... 

അപകടകരവും നിലനിൽപ്പിനു തന്നെ ഭീഷണിയാകുന്നതുമായ നിസ്സംഗതയും നിശ്ശബ്ദതയും ന്യായീകരിക്കാനാവുന്നതല്ല എന്ന് അത്ര ചെറുതല്ലാത്ത കുറ്റബോധത്തോടെ തിരിച്ചറിയേണ്ട കാലം അതിക്രമിച്ചിരിക്കുന്നു... 

കാരണം, തിന്മകളോടും അസത്യങ്ങളോടും സന്ധി ചേരൽ അല്ല ക്രൈസ്തവ ക്ഷമ.... 

ദേവാലയം ശുദ്ധീകരിക്കുന്ന ഈശോയുടെ ധീരതയെ "ബൈബിൾ വെളിച്ചത്തിന്റെ കവചം " എന്ന പുസ്തകത്തിൽ ഒരു ഹൈന്ദവ സാഹിത്യകാരനായ കെ. പി. അപ്പൻ രേഖപ്പെടുത്തുന്നതിങ്ങനെയാണ്, "ശാന്തനായ ക്രിസ്തു താർശീശ് കപ്പലുകളെ തച്ചുടക്കുന്ന കിഴക്കൻ കാറ്റായി മാറി. പാപത്തോട് പോരാടുന്നതിൽ പ്രാണത്യാഗത്തോളം എതിർത്തു നിന്നവന്റെ ധീരതയാണത്. സാമൂഹിക ജീവിതം കവർച്ചക്കാരുടെ ഗുഹയായി മാറുമ്പോൾ അതിനെ ശുദ്ധീകരിക്കുന്നവർക്ക് ക്രിസ്തുവിന്റെ മുഖമാണ്. "

ഇതൊക്ക പൊതു കാര്യങ്ങൾ... 

ഇനി വ്യക്തി ജീവിതത്തിലേക്ക്... 

ഈശോ എപ്പോളൊക്കെയാണ് പൊതുവെ പരുഷമായ ഭാഷയും ശൈലിയും സ്വീകരിച്ചിട്ടുള്ളത്? 

അത്, ദേവാലയത്തിന്റെ പരിശുദ്ധി കളഞ്ഞു പോയപ്പോളും പാവങ്ങളുടെ ഇടം അപഹരിക്കപ്പെട്ടപ്പോളും കപടമായ ഭക്തി (ജീവിത ബന്ധിയല്ലാത്ത ആരാധന) വച്ച് പുലർത്തിയപ്പോളും ആണ്...

ജെറുസലേം ദേവാലയത്തിൽ വിജാതീയർക്ക് ആരാധന നടത്താൻ നിശ്ചയിക്കപ്പെട്ട സ്ഥലത്താണ് നാണയ മാറ്റം നടന്നത്... 

അവിടെ ഈശോ ചമ്മട്ടി ഉണ്ടാക്കി അതിന് കാരണക്കാരായവരെ പ്രഹരമേല്പിച്ചു...

"പാവങ്ങളെ വേദനിപ്പിക്കരുത്, അവരുടെ കരച്ചിൽ ദൈവസന്നിധിയിൽ എത്തുകയും അത് നിങ്ങൾക്കെതിരെ നിലവിളിക്കുകയും ചെയ്യും" എന്ന് നമ്മുടെ വിശുദ്ധ ചാവറ പിതാവ് മുൻകൂട്ടി ഓർമ്മിപ്പിച്ചത് വെറുത അല്ല... 

ഹൃദയം ചേർത്ത് വയ്ക്കാതെ പ്രാർത്ഥിക്കുന്നതും മറ്റുള്ളവരെ കാണിക്കാൻ ഉപവസിക്കുന്നതും കാണപ്പെടുന്നതിനു വേണ്ടി ദാനധർമ്മം നടത്തുന്നതും ഒക്കെ സ്വന്തം സ്വാർത്ഥത പൂരിപ്പിക്കാൻ കണ്ടെത്തുന്ന പ്രകടനങ്ങൾ അല്ലാതെ മറ്റെന്താണ്? 

ഇത്തരം കപടതയ്‌ക്കെതിരെയാണ് ഈശോ പ്രവാചകധീരതയോടെ ഒറ്റയാൾ പോരാട്ടം നടത്തിയത്... 

ദേവാലയത്തിന്റെ പരിശുദ്ധി കളഞ്ഞു പോകുന്നിടങ്ങളിൽ അവൻ ചമ്മട്ടി കൊണ്ട് പ്രഹരമേല്പിക്കുകയും ചെയ്തു... 

ശരീരമാകുന്ന ദേവാലയം, കുടുംബമെന്ന ദേവാലയം, സഭ ആകുന്ന ദേവാലയം, പൗരോഹിത്യമെന്ന ദേവാലയം, സന്യാസം എന്ന ദേവാലയം...

എവിടെയൊക്കെ പരിശുദ്ധിക്ക് കുറവുണ്ടോ, അവിടെയെല്ലാം അവൻ ചമ്മട്ടി കൊണ്ട് പ്രഹരമേല്പിക്കും... 

ഈശോയെ, പ്രഹരമേല്പിച്ചിട്ടാണെങ്കിലും വേണ്ടില്ല... 

ഞങ്ങളുടെ പരിശുദ്ധി തിരികെ തരണമേ... 

നിന്റെ ശരീരമാകുന്ന സഭയെന്ന ദേവാലയത്തിന്റെ പരിശുദ്ധിക്ക് കളങ്കമേൽപ്പിക്കാൻ നടത്തുന്ന സംഘടിത നീക്കങ്ങൾക്കെതിരെ സന്ധിയില്ലാ സമരം നടത്തുന്ന ധീരത ഞങ്ങൾക്ക് നൽകണമേ...

✍️ അഗസ്റ്റിൻ മ്ലാവറയിൽ സി. എം. ഐ.