കാഴ്ച്ച നൽകുന്ന മിശിഹാ

ജ്ഞാനധ്യാനം

2020 ഒക്ടോബർ 31

കാഴ്ച്ച നൽകുന്ന മിശിഹാ

"അവന്റെ മാതാപിതാക്കന്‍മാര്‍ ഇങ്ങനെ പറഞ്ഞത്‌ യഹൂദരെ ഭയന്നിട്ടാണ്‌. കാരണം, യേശുവിനെ ക്രിസ്‌തു എന്ന്‌ ആരെങ്കിലും പരസ്യമായി ഏറ്റുപറഞ്ഞാല്‍ അവനെ സിനഗോഗില്‍നിന്നു പുറത്താക്കണമെന്ന്‌ യഹൂദര്‍ തീരുമാനിച്ചിരുന്നു."

യോഹന്നാന്‍ 9 : 22

മനുഷ്യന്റെ സമഗ്രവിമോചനമായിരുന്നു ഈശോയുടെ വരവിന്റെ പരമവും പ്രധാനവുമായ ലക്ഷ്യം...

അന്ധർക്ക് കാഴ്ച നൽകുന്നത് അവിടുത്തെ ദൗത്യമായിരുന്നു...

കാഴ്ച ലഭിച്ച ഒരു അന്ധൻ ഈശോയാണ് തന്നെ സുഖപ്പെടുത്തിയത് എന്ന സത്യം ഏറ്റുപറയുമ്പോൾ യഹൂദർ വിളറി പൂണ്ട് കലി തുള്ളുന്നു...

ഈശോയെ മിശിഹാ ആയി ആരെങ്കിലും അംഗീകരിച്ചാൽ അവരെ സിനഗോഗിൽ നിന്നും പുറത്താക്കാൻ തീരുമാനിച്ച യഹൂദർ സത്യത്തിനെതിരെ കണ്ണടച്ചിരുട്ടക്കുന്നവരായിരുന്നു...

കാഴ്ച്ച നൽകുന്നവനെ അംഗീകരിക്കാൻ ഉള്ള വിനയം ഇല്ലാത്തത് കൊണ്ട് സ്വയം തീർത്ത അജ്ഞതയുടെ കുഴിയിൽ നിപതിച്ച യഹൂദർ...

രക്ഷകനായ മിശിഹായിൽ നിന്ന് കാഴ്ച്ച സ്വീകരിച്ചു വെളിച്ചത്തിലേക്ക് പ്രവേശിക്കുന്നവരോടും അവർക്ക് ശത്രുതയാണ്...

ഇന്നും ഉണ്ട് ഇത്തരക്കാർ...

ഈശോയെയും അവിടുത്തെ ഏറ്റുപറഞ്ഞ് വെളിച്ചത്തിൽ വ്യാപാരിക്കുന്നവരെയും അപഹസിച്ചും  പരിഹസിച്ചും ഇല്ലാതാക്കാൻ ശ്രമിക്കുന്നവർ...

ആരൊക്കെ പരിഹസിച്ചാലും സത്യം സത്യമല്ലാതാകുന്നില്ലല്ലോ...

പരിഹസിക്കപ്പെടും തോറും ക്രിസ്തീയത വളർന്നിട്ടേയുള്ളൂ...

✍️ അഗസ്റ്റിൻ മ്ലാവറയിൽ സി. എം. ഐ.