2020 ഒക്ടോബർ 28
വലിയവൻ
"എന്റെ നാമത്തില്‍ ഈ ശിശുവിനെ സ്വീകരിക്കുന്ന ഏവനും എന്നെ സ്വീകരിക്കുന്നു; എന്നെ സ്വീകരിക്കുന്നവന്‍ എന്നെ അയച്ചവനെ സ്വീകരിക്കുന്നു. നിങ്ങളില്‍ ഏറ്റവും ചെറിയവന്‍ ആരോ അവനാണ്‌ നിങ്ങളില്‍ ഏറ്റവും വലിയന്‍.
ലൂക്കാ 9 : 48
മനുഷ്യരുടെ അവലോകന രീതിയും അളവുകോലും പോലെയല്ല ദൈവത്തിന്റേത് എന്ന് ഈശോ വീണ്ടും ഓർമ്മിപ്പിക്കുന്നു...
വലിയവൻ ആര് എന്നത് തർക്കവിഷയമാക്കിയ ശിഷ്യർക്ക് അനുകരിക്കാവുന്ന മാതൃകയായി ഒരു ശിശുവിനെ കാണിച്ച് കൊടുക്കുന്നു...
സ്വയം വലിപ്പം തെളിയിക്കാൻ നടക്കുന്നവർക്ക് എന്തോ കാര്യമായ കുഴപ്പം ഉണ്ട് എന്ന് തന്നെയാണ് സുവിശേഷ ഭാഷ്യം...
ദൈവത്തിന്റെ സ്വീകാര്യത കണ്ടെത്തുന്നതാണ് യഥാർത്ഥ വലിപ്പം എന്ന തിരിച്ചറിവാണ് വേണ്ടത്...
ദൈവസന്നിധിയിലെ സ്വീകാര്യതയ്ക്ക് അനിവാര്യമാണ് ശിശുസഹജമായ നൈർമല്യവും നിഷ്കളങ്കതയും ഹൃദയ ശുദ്ധിയും...
ദൈവമായിരുന്നിട്ടും അതിന്റെ സമാനത മുറുകെപ്പിടിക്കാതെ മനുഷ്യനായി മാറിയ ഈശോയുടെ സ്വയം ശൂന്യവൽക്കരണത്തിന്റെ മനസാണ് ദൈവസന്നിധിയിലെ സ്വീകാര്യതയുടെ മാനദണ്ഡം...
✍️ അഗസ്റ്റിൻ മ്ലാവറയിൽ സി. എം. ഐ.
No comments:
Post a Comment