2020 ഒക്ടോബർ 15
വെളിപ്പെടുത്തേണ്ട സ്നേഹം
"ഈശോ പ്രതിവചിച്ചു: എന്നെ സ്‌നേഹിക്കുന്നവന്‍ എന്‍െറ വചനം പാലിക്കും. അപ്പോള്‍ എന്‍െറ പിതാവ്‌ അവനെ സ്‌നേഹിക്കുകയും ഞങ്ങള്‍ അവന്‍െറ അടുത്തു വന്ന്‌ അവനില്‍ വാസമുറപ്പിക്കുകയും ചെയ്യും."
യോഹന്നാന്‍ 14 : 23
ഈശോയെ സ്നേഹിക്കുന്നു എന്നവകാശപ്പെടുന്നവർക്ക് അതിന്റെ യാഥാർഥ്യം പരിശോധിക്കാനുള്ള ഏകകം കണ്ടെത്താൻ സഹായിക്കുന്നതാണ് വചനഭാഗം...
ഈശോ ഒരു സമവാക്യം രൂപപ്പെടുത്തുന്നു...
സ്നേഹിക്കുക = വചനം പാലിക്കുക...
സ്നേഹിക്കുന്നു എന്ന് പറയുമ്പോൾ പ്രത്യക്ഷത്തിൽ അത് പ്രകടമാകേണ്ട ഇടം ജീവിതം തന്നെയാണ്...
ഈശോയോടുള്ള സ്നേഹം പ്രകടമാക്കി തുടങ്ങുമ്പോൾ കൈവരുന്ന കൃപയും ജ്ഞാനധ്യാനത്തിന്റെ വിചാരമാണ്...
പിതാവിന്റെ സ്നേഹം തിരിച്ചറിയാൻ ഉൾക്കണ്ണ്
തുറക്കപ്പെടുന്നു...
പിതാവിന്റെ സ്നേഹം, പുത്രന്റെ കൃപ, ദൈവാത്മാവിന്റെ സഹവാസം...
വചനം പാലിച്ചു സ്നേഹം പ്രകടമാക്കി തുടങ്ങുമ്പോൾ ദൈവീക വെളിപാടിന്റെ പൂർണ്ണതയായ ത്രീയേക ദൈവത്തിന്റെ വാസസ്ഥലമായി ജീവിതം മാറുന്നു...
ദൈവീക വെളിപാടുകളുടെ ഇടമായി ജീവിതം മാറാനുള്ള വഴിയാണ് വചന പാലനം....
ഈശോയേ, അങ്ങയുടെ വചനം പാലിച്ച് സ്നേഹം പ്രകടമാക്കാനുള്ള ആത്മബലം നൽകണമേ...
✍️ അഗസ്റ്റിൻ മ്ലാവറയിൽ സി. എം. ഐ.
No comments:
Post a Comment