2020 ഒക്ടോബർ 9
ക്ലേശങ്ങൾ
"എന്തെന്നാല്‍, നിങ്ങളുടെ എതിരാളികളിലാര്‍ക്കും ചെറുത്തു നില്‍ക്കാനോ എതിര്‍ക്കാനോ കഴിയാത്ത വാക്ചാതുരിയും ജ്ഞാനവും നിങ്ങള്‍ക്കു ഞാന്‍ നല്‍കും."
ലൂക്കാ 21 : 15
വിശ്വാസത്തിന്റെ പേരിൽ നേരിടേണ്ടി വരുന്ന എതിർപ്പുകൾ, അവഗണനകൾ, തിക്താനുഭവങ്ങൾ, ക്ലേശങ്ങൾ ഒക്കെ അത്ര നിസ്സാരമായിരിക്കുകയില്ല എന്ന് ഈശോ മുന്നറിയിപ്പ് നൽകുന്നു...
ആത്മാർഥമായും സത്യസന്ധമായും ഈശോയുടെ സുവിശേഷമൂല്യങ്ങൾ ജീവിക്കാൻ ശ്രമിച്ച് തുടങ്ങുമ്പോൾ പ്രിയപ്പെട്ടവരുടെ പോലും എതിർപ്പുകളും അപ്രീതിയും അഭിമുഖീകരിക്കേണ്ടി വരും എന്ന് തീർച്ച...
എത്ര എതിർപ്പുകൾ ഉണ്ടായാലും അവിടുന്ന് അത്ഭുതകരമായ സംരക്ഷണം നൽകുന്നു എന്നതാണ് ജ്ഞാനധ്യാനത്തിലെ ഉൾക്കാഴ്ച്ച...
സുവിശേഷം ജീവിച്ചു തുടങ്ങുമ്പോൾ ഉണ്ടാകുന്ന പ്രതിസന്ധികൾക്ക് നടുവിൽ സ്വർഗ്ഗത്തിലേക്ക് കണ്ണുകൾ ഉയർത്തുമ്പോൾ ലഭിക്കുന്ന അനുഗ്രഹങ്ങൾ അമൂല്യമാണ്...
ആർക്കും ചെറുത്ത് തോൽപിക്കാനാവാത്ത വിധത്തിലുള്ള വാക്ചാതുരിയും ജ്ഞാനവും...
കൂടെ തലമുടിയിഴ പോലും നശിക്കില്ല എന്ന സംരക്ഷണത്തിന്റെ ഉറപ്പും...
"ഇതിനെക്കുറിച്ചു നാം എന്താണു പറയേണ്ടത്‌? ദൈവം നമ്മുടെ പക്‌ഷത്തെങ്കില്‍ ആരു നമുക്ക്‌ എതിരുനില്‍ക്കും?"
റോമാ 8 : 31
✍️ അഗസ്റ്റിൻ മ്ലാവറയിൽ സി. എം. ഐ.
No comments:
Post a Comment