2020 ഒക്ടോബർ 10
സ്വർഗ്ഗത്തിൽ പേരെഴുതപ്പെട്ടവർ
"എന്നാല്‍, പിശാചുക്കള്‍ നിങ്ങള്‍ക്കു കീഴടങ്ങുന്നു എന്നതില്‍ നിങ്ങള്‍ സന്തോഷിക്കേണ്ടാ; മറിച്ച്‌, നിങ്ങളുടെ പേരുകള്‍ സ്വര്‍ഗത്തില്‍ എഴുതപ്പെട്ടിരിക്കുന്നു എന്നതില്‍ സന്തോഷിക്കുവിന്‍."
ലൂക്കാ 10 : 20
സന്തോഷം കണ്ടെത്തുക എന്നതാണ് അനുദിന ചെയ്തികളുടെ മുഴുവൻ ആഭിമുഖ്യവും ലക്ഷ്യവും...
മനസ്സാഗ്രഹിക്കുന്നതും സന്തോഷവും സമാധാനവുമാണ്...
സന്തോഷിക്കാനുള്ള കാരണങ്ങൾ സുവിശേഷത്തിൽ നിന്നും കണ്ടെത്തുമ്പോൾ അത് വിശ്വാസ യോഗ്യവും സ്വീകാര്യവുമാകുന്നു...
സുവിശേഷ വേലയുടെ ആരംഭത്തിൽ സന്തോഷിക്കാനുള്ള കാരണങ്ങൾ എന്ന് സ്വയം വിചാരിച്ചവ - പിശാചുക്കൾ കീഴടങ്ങുന്നത് - എണ്ണിപ്പെറക്കി സന്തോഷം അറിയിക്കുമ്പോൾ ഈശോ കാര്യങ്ങൾ കൂടുതൽ വ്യക്തമാക്കുന്നു...
പിശാചുക്കൾ കീഴടങ്ങുന്നു എന്നതിനേക്കാൾ വലിയ സന്തോഷം ഉണ്ട് എന്ന് മനസ്സിനെ പഠിപ്പിക്കണം...
സ്വർഗ്ഗത്തിൽ പേരെഴുതപ്പെട്ടിരിക്കുന്നു എന്നതാണ് ആനന്ദിക്കാനുള്ള ഏറ്റവും ശ്രേഷ്ഠമായ കാരണം...
സ്വർഗ്ഗവുമായുള്ള ബന്ധത്തിൽ കണ്ടെത്തുന്ന ആനന്ദമാണ് യഥാർത്ഥ ആനന്ദം....
✍️ അഗസ്റ്റിൻ മ്ലാവറയിൽ സി. എം. ഐ.
No comments:
Post a Comment