2020 ഒക്ടോബർ 2
കാവൽ മാലാഖ
"ഈ ചെറിയവരില്‍ ആരെയും നിന്‌ദിക്കാതിരിക്കാന്‍ സൂക്‌ഷിച്ചുകൊള്ളുക.
സ്വര്‍ഗത്തില്‍ അവരുടെ ദൂതന്‍മാര്‍ എന്‍െറ സ്വര്‍ഗസ്‌ഥനായ പിതാവിന്‍െറ മുഖം എപ്പോഴും ദര്‍ശിച്ചുകൊണ്ടിരിക്കുകയാണെന്ന്‌ ഞാന്‍ നിങ്ങളോടു പറയുന്നു."
മത്തായി 18 : 11
ആരെയും നിന്ദിക്കരുത് എന്നാണ് ജ്ഞാനധ്യാനം നൽകുന്ന തിരിച്ചറിവ്...
വഴിതെറ്റിയ ആടിന്റെ ഉപമയിൽ ആരെയും നിന്ദിക്കരുത് എന്ന് സൂചന നൽകാൻ കാരണം എന്താകും?
ഈശോയുടെ വാക്കുകളിൽ ഉത്തരം ഉണ്ട്...
"ഇതുപോലെ, ഈ ചെറിയവരില്‍ ഒരുവന്‍ പോലും നശിച്ചുപോകാന്‍ എന്‍െറ സ്വര്‍ഗസ്‌ഥനായ പിതാവ്‌ ഇഷ്‌ടപ്പെടുന്നില്ല."
മത്തായി 18 : 14
ഓരോ മനുഷ്യനും അത്രമേൽ വിലയുള്ളവരാണ്...
അകറ്റി നിർത്തുകയും എഴുതിത്തള്ളുകയും ചെയ്യുന്നതിന് മുമ്പ് കുറഞ്ഞ പക്ഷം ദൈവം ഓരോരുത്തർക്കും കൊടുക്കുന്ന വിലയെങ്കിലും മനസിലാക്കാനുള്ള വിനയം സമ്പാദിക്കേണ്ടതുണ്ട്...
നിങ്ങൾ വിലയ്ക്ക് വാങ്ങപ്പെട്ടവരാണ് എന്ന് പൗലോസ് ശ്ലീഹാ പറയുന്നതും ചേർത്ത് വായിക്കാം...
അമൂല്യമായ വില ഓരോരുത്തർക്കും ഉള്ളത് കൊണ്ട് തന്നെ കാവലായി ദൂതന്മാരെ ദൈവം ഏർപ്പെടുത്തിയിട്ടുണ്ട്...
സ്വർഗ്ഗത്തിൽ പിതാവിന്റെ മുഖം ദർശിച്ച് എനിക്ക് വേണ്ടി മാധ്യസ്ഥ്യം യാചിച്ച് അപകടവഴികളിൽ കാവൽ നൽകുന്ന എന്റെ കാവൽ ദൂതൻ...
ഇന്ന് കാവൽമാലാഖായുടെ തിരുന്നാളാണ്...
സ്വർഗ്ഗത്തിൽ പിതാവിന്റെ മുഖം ദർശിച്ച് എന്നെ കരുതുന്ന കാവൽ മാലാഖായേ, എന്നും കൂട്ടിന് കൂടെ വരണേ...
✍️ അഗസ്റ്റിൻ മ്ലാവറയിൽ സി. എം. ഐ.
No comments:
Post a Comment