2020 ഒക്ടോബർ 24
ദൈവത്തിന്റെ ക്രിസ്തു
"അപ്പോള്‍ അവന്‍ ചോദിച്ചു: ഞാന്‍ ആരെന്നാണു നിങ്ങള്‍ പറയുന്നത്‌? പത്രോസ്‌ ഉത്തരം നല്‍കി: നീ ദൈവത്തിന്‍െറ ക്രിസ്തു ആണ്‌."
ലൂക്കാ 9 : 20
തനിച്ച് പ്രാർത്ഥിക്കുകയായിരുന്ന ഈശോയുടെ കൂടെ ശിഷ്യരും ഉണ്ടായിരുന്നു...
തന്നെക്കുറിച്ച് പൊതുജനം മനസിലാക്കുന്നതും ശിഷ്യർ മനസിലാക്കുന്നതും എന്താണ് എന്നറിയാൻ അവിടുത്തേയ്ക്ക് ആഗ്രഹം...
ജനങ്ങൾ മനസിലാക്കിയത് സ്നാപകയോഹന്നാൻ, ഏലിയാ, പൂർവ്വപ്രവാചകരിൽ ഒരുവൻ എന്നൊക്കയാണ്...
കൂടെ നടക്കുന്ന ശിഷ്യരുടെ മനസ്സറിയാൻ അവിടുത്തേയ്ക്ക് ആഗ്രഹം...
പത്രോസിന്റെ മറുപടി കൃത്യമായിരുന്നു...
"ജീവനുള്ള ദൈവത്തിന്റെ മിശിഹാ"
പൊതുസമൂഹത്തിന്റെ തിരിച്ചറിവുകളെക്കാൾ വ്യക്തത ശിഷ്യരുടെ തിരിച്ചറിവുകൾക്കുണ്ടാകണം...
ദൈവത്തിന്റെ അഭിഷിക്തനായി ഈശോയെ തിരിച്ചറിയുന്നിടത്താണ് ശിഷ്യത്വം വിജയിക്കുന്നത്...
"ഞാൻ നിനക്കാരാണ്? " എന്ന ഈശോയുടെ ചോദ്യത്തിന് ഉത്തരം കൊടുക്കാൻ ഉള്ള വളർച്ചയും പക്വതയുമാണ് ശിഷ്യത്വം..
✍️ അഗസ്റ്റിൻ മ്ലാവറയിൽ സി. എം. ഐ.
No comments:
Post a Comment