നിന്ദിക്കരുത്

ജ്ഞാനധ്യാനം

2020 ഒക്ടോബർ 19

നിന്ദിക്കരുത്

"ഈ ചെറിയവരില്‍ ആരെയും നിന്‌ദിക്കാതിരിക്കാന്‍ സൂക്‌ഷിച്ചുകൊള്ളുക.

സ്വര്‍ഗത്തില്‍ അവരുടെ ദൂതന്‍മാര്‍ എന്‍െറ സ്വര്‍ഗസ്‌ഥനായ പിതാവിന്‍െറ മുഖം എപ്പോഴും ദര്‍ശിച്ചുകൊണ്ടിരിക്കുകയാണെന്ന്‌ ഞാന്‍ നിങ്ങളോടു പറയുന്നു."

മത്തായി 18 : 10-11

ആരെയും നിന്ദിക്കരുത് എന്നതാണ് വചനവായനയുടെ സംഗ്രഹം...

നിന്ദിക്കരുത് എന്ന പ്രബോധനത്തോടൊപ്പം അതിന്റെ കൃത്യമായ കാരണങ്ങളും ഈശോ അവതരിപ്പിക്കുന്നു...

ഓരോരുത്തരുടെയും കാവൽദൂതന്മാർ സ്വർഗ്ഗസ്ഥനായ പിതാവിന്റെ മുഖം എപ്പോഴും ദർശിച്ച് കൊണ്ടിരിക്കുന്നു...

കവലദൂതന്മാരെ ഏർപ്പെടുത്തി ദൈവം സംരക്ഷിക്കുന്ന ഒരു ജീവിതത്തിന് അവിടുന്ന് കൊടുക്കുന്ന വില വലുതാണ് എന്നത് കൊണ്ട് ആരെയും നിന്ദിക്കരുത്...

ദൈവം ഒരു വ്യക്തിക്ക് കൊടുക്കുന്ന വില തിരിച്ചറിയാൻ ശ്രമിക്കുമ്പോൾ ജീവിതത്തിന് കുറച്ച് കൂടി അർത്ഥം കൈവരുന്നു...

അപരന്റെ കുറവുകൾ കണ്ണിൽ പെടുമ്പോൾ അത് അസ്വസ്ഥത നൽകാതിരിക്കാൻ ഒന്ന് രണ്ട് വഴികൾ മനസ്സിൽ ഉറപ്പിക്കാം...

1. സ്വന്തം കുറവുകളെക്കുറിച്ച് ഓർമ്മയുണ്ടാവുക

2. ദൈവം എന്റെ ജീവിതത്തിന് നൽകുന്ന വില അപരന്റെ ജീവിതത്തിനും നൽകുന്നു എന്ന് തിരിച്ചറിയുക...

ഈശോയേ...ഒരു വാക്കോ, നോട്ടമോ, പ്രവർത്തിയോ വഴി ആരെയും നിന്ദിക്കാൻ എന്നെ അനുവദിക്കരുതേ.....

✍️ അഗസ്റ്റിൻ മ്ലാവറയിൽ സി. എം. ഐ.