2020 ഒക്ടോബർ 16
ഇടയൻ
"അവ ഒരിക്കലും അപരിചിതനെ അനുഗമിക്കുകയില്ല. അന്യരുടെ സ്വരം അറിയാത്തതിനാല്‍ അവ അവരില്‍നിന്ന്‌ ഓടിയകലും."
യോഹന്നാന്‍ 10 : 5
പാലസ്തീനയുടെ ഭൂപ്രദേശത്തിന്റെ സവിശേഷതയും ആട് വളർത്തൽ ജീവിത വ്യാപാരമാക്കിയ ഇടയന്മാരുടെ മനസ്സും തിരിച്ചറിഞ്ഞ് ഈശോ സ്വയം ഇടയാനായി വെളിപ്പെടുത്തുന്നു...
താച്ചപ്പണി തൊഴിൽ ആയിരുന്നിട്ടും ശിഷ്യരിലധികവും മുക്കുവരായിരുന്നിട്ടും ഈശോ സ്വയം വിശേഷിപ്പിക്കുന്നത് ഇടയാനായിട്ടാണ്...
ഈശോയുടെ അനുഗാമികൾക്കുണ്ടാകേണ്ട നന്മകൾ ഇടയനെ വിടാതെ പിന്തുടരുന്ന ആടുകളിൽ നിന്ന് പഠിക്കാം...
അപരിചിതനെ അനുഗമിക്കാത്ത, അന്യരുടെ സ്വരം അറിയാത്തതിനാൽ അവരിൽനിന്ന് ഓടി അകലുന്ന ആടുകൾ...
സുവിശേഷമൂല്യങ്ങളുടെ നന്മയില്ലാത്ത അപരിചിതരെ തിരിച്ചറിയാൻ ഉള്ള വിവേകം പ്രാർത്ഥിക്കുന്നു...
ഈശോയുടെ സ്വരം ദൈവവചനമാണ്...
ആ സ്വരമല്ലാത്തതെല്ലാം, ആ സ്വരത്തിന്റെ അഭിഷേകം ഇല്ലാത്ത സ്വരങ്ങളെല്ലാം അപകടകരമാണ്...
അപരിചിതരെയും അന്യരെയും തിരിച്ചറിയാനും അകലം പാലിക്കാനും ആർജ്ജവത്വവും ആത്മബലവും ഇനിയും നേടേണ്ടിയിരിക്കുന്നു...
✍️ അഗസ്റ്റിൻ മ്ലാവറയിൽ സി. എം. ഐ.
No comments:
Post a Comment