2020 ഒക്ടോബർ 3
വിലയേറിയത്
"വിലയേറിയ സുഗന്ധതൈലം നിറച്ച ഒരു വെണ്‍കല്‍പാത്രവുമായി ഒരു സ്ത്രീ ഈശോയെ സമീപിച്ചു. അവന്‍ ഭക്‌ഷണത്തിനിരിക്കുമ്പോള്‍, അവള്‍ തൈലം അവന്‍െറ ശിരസ്‌സില്‍ ഒഴിച്ചു.
ഇതു കണ്ട ശിഷ്യന്‍മാര്‍ കോപത്തോടെ പറഞ്ഞു: എന്തിന് ഈ പാഴ്‌ചെലവ്‌?"
മത്തായി 26 : 7-8
വിലയേറിയ സുഗന്ധതൈലം ഈശോയുടെ ശിരസ്സിൽ ഒഴിക്കുന്ന ഒരു സ്ത്രീ...
ഇത് കണ്ട് ശിഷ്യർ കോപാകുലരാകുകയാണ്...
അവർക്കതൊരു പാഴ്ച്ചെലവായി തോന്നി...
വിലയെറിയതൊക്കെ ദൈവത്തിന് സമർപ്പിക്കാനുള്ളതാണ് എന്നതാണ് ജ്ഞാനധ്യാനം...
ആൾക്കൂട്ടത്തിന്റെ പ്രതികരണം പലവിധത്തിലാകാം...
എന്തിന് പാഴാക്കുന്നു എന്ന് പരിഹാസരൂപേണ ചോദ്യശരങ്ങൾ നേർക്കു വരുമ്പോളും സമർപ്പിക്കുന്നവരുടെ ഉള്ളിൽ ആനന്ദത്തിന്റെയും തൃപ്തിയുടെയും നിറവ് മാത്രം...
വിലയേറിയ സമയം, കഴിവുകൾ, ആരോഗ്യം, സമ്പത്ത്, അറിവ് എല്ലാം ദൈവീക നിയോഗങ്ങൾക്കായി ചെലവഴിക്കുമ്പോൾ "എന്തിനാണ് ഈ പാഴ്ച്ചെലവ്? "എന്ന പരിഹാസം എത്രയോ തവണ കെട്ടിരിക്കുന്നു...
എന്നിട്ടും ഒന്നേ ഉള്ളൂ പ്രാർത്ഥന...
വീണ്ടും ഈശോയുടെ നാമത്തിൽ അവിടുത്തെ നിയോഗങ്ങൾക്ക് വേണ്ടി സമർപ്പണത്തിന്റെ തോത് അണുവിട കുറയാതെ ആഴപ്പെടുത്തണം...
ഈശോയ്ക്ക് നൽകുന്നത് പാഴ്ച്ചെലവല്ല എന്ന തിരിച്ചറിവിന്റെ പ്രകാശത്തിൽ വ്യാപാരിക്കുമ്പോൾ പരിഹാസച്ചുവയുള്ള പ്രതികരണങ്ങൾക്ക് മീതെ ചവിട്ടി നടക്കാനും സമർപ്പണത്തിന്റെ വഴികൾ സ്നേഹപൂർണ്ണമാക്കാനും സാധിക്കുന്നു...
✍️ അഗസ്റ്റിൻ മ്ലാവറയിൽ സി. എം. ഐ.
No comments:
Post a Comment