ഭയമരുതേ

ജ്ഞാനധ്യാനം

2020 ഒക്ടോബർ 25

ഭയമരുതേ

"ഈശോ പറഞ്ഞു: അല്‍പവിശ്വാസികളേ, നിങ്ങളെന്തിനു ഭയപ്പെടുന്നു? അവന്‍ എഴുന്നേറ്റ്‌, കാറ്റിനെയും കടലിനെയുംശാസിച്ചു; വലിയ ശാന്തതയുണ്ടായി."

മത്തായി 8 : 26

അലറി വരുന്ന കടൽ തിരകളെ ശാസിച്ച് പ്രപഞ്ചശക്തികളുടെ മേൽ അധികാരമുള്ള ദൈവപുത്രനാണ് അവിടുന്ന് എന്ന് ഈശോ  സ്വയം സാക്ഷ്യപ്പെടുത്തുന്നു...

മുങ്ങിത്താഴ്ന്ന് കടലിന്റെ ആഴങ്ങളിൽ കുരുങ്ങി പോയേക്കും എന്ന് ഭയപ്പെട്ട ശിഷ്യർക്ക് ഈശോ വലിയ തിരിച്ചറിവ് നൽകുന്നു...

എന്തിനു ഭയപ്പെടുന്നു എന്ന് ചോദിച്ച് അവരെ ആശ്വസിപ്പിക്കുന്നു...

അൽപ്പവിശ്വാസികളെ എന്ന് സംബോധന ചെയ്ത് വിശ്വസക്കുറവിനെ ശകാരിക്കുന്നു...

കടലിനെയും കാറ്റിനെയും ശാസിക്കാൻ അധികാരമുള്ളവൻ കൂടെയുണ്ട് എന്ന ഓർമ്മയെങ്കിലും കുറഞ്ഞപക്ഷം ഉണ്ടാകണം..

കരുത്തുള്ള ഇത്തരം ഒരു വിശ്വാസദാർഢ്യത്തിലേയ്ക്കാണ് ആത്മീയത നമ്മെ വളർത്തേണ്ടത്...

പ്രതിസന്ധികളുടെയോ പ്രലോഭനങ്ങളുടെയോ കടൽത്തിരകളും തെറ്റിദ്ധാരണകളുടെ കൊടുങ്കാറ്റുകളും ആഞ്ഞടിക്കുമ്പോൾ പതറി പോകാതെ നിലനിൽക്കാനുള്ള ഈശോ കൂടെ ഉണ്ട് എന്ന ഉറപ്പിൽ നിലനിൽക്കാനുള്ള കൃപയാണ് യഥാർത്ഥത്തിൽ വിശ്വാസം...

പ്രതികൂലങ്ങളെ പോലും ശാന്തമായി നേരിടുന്ന ഈശോയെ, ശാന്തത എന്ന പുണ്യം നൽകി അനുഗ്രഹിക്കണമേ...

✍️ അഗസ്റ്റിൻ മ്ലാവറയിൽ സി. എം. ഐ.