ഒരുങ്ങിയിരുന്നവൻ

ജ്ഞാനധ്യാനം

2020 ഒക്ടോബർ 22 

ഒരുങ്ങിയിരുന്നവൻ

"ഒരുങ്ങിയിരുന്നവര്‍ അവനോടൊത്തു വിവാഹവിരുന്നിന്‌ അകത്തു പ്രവേശിച്ചു; വാതില്‍ അടയ്‌ക്കപ്പെടുകയും ചെയ്‌തു."

മത്തായി 25 : 10

ഈശോയുടെ പ്രബോധനങ്ങളുടെയും അടയാളങ്ങളുടെയും പരമവും പ്രധാനവുമായ ലക്ഷ്യം ദൈവരാജ്യത്തിന്റെ ആഗമനം അറിയിക്കുക എന്നതായിരുന്നു...

അവിടുന്ന് ദൈവാരാജ്യത്തിന്റെ സവിശേഷതകൾ ലളിതമായ ഉപമകൾ വഴി അവതരിപ്പിക്കുന്നു...

ദൈവകൃപയുടെ എണ്ണ...

വിശ്വാസത്തിന്റെ വിളക്ക്...

സത്പ്രവർത്തികളുടെ വെളിച്ചം...

ഈ മൂന്നും കൃത്യമായ അനുപാതത്തിൽ ആത്മാവിൽ നിറയുമ്പോൾ ആണ് ഒരുക്കം പൂർത്തിയാകുന്നത്...

എപ്പോഴും ഒരുങ്ങിയിരിക്കുന്നവർക്കുള്ളതാണ് ദൈവരാജ്യം...

സി. എം. ഐ. സന്യാസക്കൂട്ടായ്മക്ക് തീരാവേദനയും ദുഃഖവും ബാക്കി വച്ച് ഒന്നും പറയാതെ ഒരു രാത്രിയുടെ ഇടവേളയിൽ ഞങ്ങളെ വിട്ട് പോയ സാജൻ അച്ചൻ ഒരുങ്ങിയിരുന്ന വിവേകമതിയായിരുന്നു എന്ന് എല്ലാവരും തിരിച്ചറിഞ്ഞുകൊണ്ടിരിക്കുന്നു...

അധ്യാപനത്തിന്റെ വഴികളിൽ ആവശ്യത്തിലേറെ തിരക്കുകൾ വന്ന് കൂടിയപ്പോഴും ദൈവകൃപയുടെ എണ്ണ വറ്റിപോകാതെ ശ്രദ്ധിച്ചിരുന്ന ഞങ്ങളുടെ സാജൻ അച്ചൻ...

ദൈവവിശ്വാസത്തിന്റെ വിളക്കിൽ ഒരു വിദ്യാലയത്തെയും അതിലുള്ള അധ്യാപകവിദ്യാർത്ഥിസുഹൃത്തുക്കളെയും ചേർത്ത് നിർത്തിയ സാജൻ അച്ചൻ...

സത്പ്രവർത്തികളുടെ വെളിച്ചം മറ്റാരെയുംകാൾ കൂടുതൽ ഉണ്ടായിരുന്നിട്ടും നിശബ്ദത പാലിച്ച് പുഞ്ചിരിച്ചു കടന്നു പോയ സാജൻ അച്ചൻ...

ഈശോയെ, ഒരുക്കം ഇല്ലാത്തത് കൊണ്ട് എനിക്ക് അങ്ങയെ കാണാൻ പറ്റാതെ പോയാൽ ജീവിക്കുന്നതും ഓടുന്നതും വെറുതെ ആകുമല്ലോ...

അതിനാൽ വേണ്ടത്ര ഒരുക്കം നൽകി അനുഗ്രഹിക്കണമേ...

✍️ അഗസ്റ്റിൻ മ്ലാവറയിൽ സി. എം. ഐ.