യഥാർത്ഥ പാരമ്പര്യം

ജ്ഞാനധ്യാനം

2020 സെപ്റ്റംബർ 25

യഥാർത്ഥ പാരമ്പര്യം

"ഇങ്ങനെ, നിങ്ങളുടെ പാരമ്പര്യത്തിനുവേണ്ടി ദൈവവചനത്തെനിങ്ങള്‍ വ്യര്‍ഥമാക്കിയിരിക്കുന്നു."

മത്തായി 15 : 6 

യഹൂദ മതാത്മകതയുടെ ആന്തരികമായ ഒരു പ്രതിസന്ധിയെ ഈശോ തുറന്ന് കാണിക്കുകയും വെല്ലുവിളിക്കുകയും ചെയ്യുന്നു... 

ദൈവരാധനയെ മുഴുവൻ അനുഷ്ഠാനങ്ങളിലേക്കും ആചാരങ്ങളിലേക്കും ചുരുക്കാൻ ശ്രമിച്ച് പാരമ്പര്യത്തെ ദൈവത്തിനും ദൈവവചനത്തിനും മുകളിൽ പ്രതിഷ്ഠിച്ച് യഥാർത്ഥ ആത്മീയതയുടെ അടിസ്ഥാനമായ കാരുണ്യത്തിനും സ്നേഹത്തിനും എതിരെ തിരിഞ്ഞു നടക്കുകയും ചെയ്ത യഹൂദരുടെ കപടത ഈശോ തുറന്ന് കാണിക്കുന്നു... 

ദൈവവചനവും ദൈവകല്പനകളും കൈമാറുന്ന അടിസ്ഥാന മൂല്യങ്ങളായ കാരുണ്യവും നീതിയും സ്നേഹവും നിരാകരിക്കപ്പെടുകയോ നിഷേധിക്കപ്പെടുകയോ ചെയ്യുന്ന ഇടങ്ങളിൽ ആത്മീയത അർത്ഥശൂന്യമാകുന്നു... 

കാരുണ്യം, സത്യം, നീതി, സ്നേഹം എന്നീ അടിസ്ഥാന മൂല്യങ്ങളെ കാർന്നു തിന്നുന്ന പാരമ്പര്യങ്ങളും അപകടകരം തന്നെ... 

ദൈവവചനം പഠിപ്പിക്കുകയും കൈമാറുകയും ആത്മീയ മൂല്യങ്ങളാകണം കൈമാറ്റം ചെയ്യപ്പെടുന്ന പാരമ്പര്യം... 

✍️ അഗസ്റ്റിൻ മ്ലാവറയിൽ സി. എം. ഐ.