ഭാഗ്യമുള്ളവർ

ജ്ഞാനധ്യാനം

2020സെപ്റ്റംബർ 3

ഭാഗ്യമുള്ളവർ

"നിങ്ങളുടെ കണ്ണുകള്‍ ഭാഗ്യമുള്ളവ; എന്തെന്നാല്‍, അവ കാണുന്നു. നിങ്ങളുടെ കാതുകള്‍ ഭാഗ്യമുള്ളവ; എന്തെന്നാല്‍, അവ കേള്‍ക്കുന്നു."

മത്തായി 13 : 16

ഈശോയെ കാണാനും അവിടുത്തെ കേൾക്കാനും ലഭിച്ച ഭാഗ്യം അത്ര നിസ്സാരമല്ല എന്ന് സ്വയം ഒന്നോർമ്മിപ്പിക്കാൻ പ്രേരിപ്പിക്കുന്നതാണ് വചനധ്യാനം... 

Taken for granted എന്നൊരു ഇംഗ്ലീഷ് പദപ്രയോഗം ഉണ്ട്... 

അമൂല്യമായതും അതിശ്രേഷ്ഠമായതുമായ ചില യാഥാർഥ്യങ്ങൾ കൂടെക്കൂടെ കാണുകയും കേൾക്കുകയും ചെയ്യുമ്പോൾ അതിനെ നിസ്സാരവൽക്കരിക്കാൻ സാധ്യത ഏറെയാണ്... 

അമിതപരിചയം കൊണ്ട് അമൂല്യമായതിന്റെ വില കാണാൻ സാധിക്കാത്ത വിധം കണ്ണ് മൂടപ്പെടുന്ന ഒരു അപകടം ആത്മീയതയിൽ ഉണ്ട്... 

അനേകം പ്രവാചകന്മാരും നീതിമാന്മാരും നിങ്ങൾ കാണുന്നവ കാണാനും കേൾക്കുന്നവ കേൾക്കാനും ആഗ്രഹിച്ചു എന്ന ഈശോയുടെ വാക്കുകൾ അത്ര ചെറുതല്ലാത്ത ആത്മഭാരം നൽകുന്നുണ്ട്... 

അനുദിനബലിയർപ്പണങ്ങളിൽ എന്നും അവിടുത്തെ കാണാൻ വചനവായനയുടെ ജ്ഞാനധ്യാനങ്ങളിൽ അവിടുത്തെ കേൾക്കാൻ ഒക്കെ ഭാഗ്യം സിദ്ധിച്ചത് അത്ര നിസ്സാരകാര്യമൊന്നുമല്ല !

✍️ അഗസ്റ്റിൻ മ്ലാവറയിൽ സി. എം. ഐ.