സെപ്റ്റംബർ 1
നന്മ
"ഈശോ നിയമജ്‌ഞരോടും ഫരിസേയരോടുമായി ചോദിച്ചു: സാബത്തില്‍ രോഗശാന്തി നല്‍കുന്നത്‌ അ നുവദനീയമോ അല്ലയോ?
അവര്‍ നിശ്‌ശ ബ്‌ദരായിരുന്നു. ഈശോ അവനെ അടുത്തുവിളിച്ചു സുഖപ്പെടുത്തി അയച്ചു."
ലൂക്കാ 14 : 3-4
സാബത്തിൽ ജോലി ചെയ്യുന്നത് നിഷിദ്ധമാണ് എന്ന് പഠിപ്പിച്ച യഹൂദറബ്ബിമാർ ദൈവരാജ്യത്തിന്റെ അടയാളമായി ഈശോ പ്രവർത്തിച്ചിരുന്ന രോഗശാന്തികളെ വിമർശിച്ചിരുന്നു...
രോഗവും പാപസാഹചര്യങ്ങളും വേട്ടയാടിയത് കൊണ്ട് ജീവിതത്തിന്റെ സന്തുലിതാവസ്ഥ നഷ്ടപ്പെട്ടുപോയവരെ വിമോചിപ്പിക്കാൻ ഇടവേളകളില്ലാതെ അധ്വാനിച്ച ഈശോയെപ്പോലും ചോദ്യം ചെയ്ത അധികാരവർഗ്ഗം...
അവരുടെ മുമ്പിൽ വച്ച് തന്നെ സാബത്തിൽ മഹോദരരോഗിയെ ഈശോ സുഖപ്പെടുത്തി...
ആത്മീയതയുടെ വെള്ള പൂശി പറയുന്നതും ചെയ്യുന്നതും എല്ലാം ശരിയാണ് എന്ന് സ്വയം വിചാരിച്ചിരുന്ന ഫരിസേയ പ്രമാണികളെ ഈശോ തിരുത്തി...
നന്മ ചെയ്യാനും കരുണ കാണിക്കാനും സമയമോ കാലമോ ഒരിക്കലും തടസമാകരുത്....
✍️ അഗസ്റ്റിൻ മ്ലാവറയിൽ സി. എം. ഐ.
No comments:
Post a Comment