ദ്വേഷിക്കപ്പെടുമ്പോൾ

ജ്ഞാനധ്യാനം

ആഗസ്റ്റ് 22

ദ്വേഷിക്കപ്പെടുമ്പോൾ

"എന്‍െറ നാമത്തെപ്രതി നിങ്ങളെ എല്ലാവരും ദ്വേഷിക്കും. അവസാനംവരെ സഹിച്ചുനില്‍ക്കുന്നവന്‍ രക്‌ഷപ്രാപിക്കും."

മര്‍ക്കോസ്‌ 13 : 13

വിപരീതങ്ങളെയും പ്രതികൂലങ്ങളെയും നേരിടാനുള്ള ആത്മബലം ശിഷ്യർക്കുണ്ടാകേണ്ടതുണ്ട്. ഈശോയുടെ കൈ പിടിച്ചുള്ള യാത്ര അത്ര സുഖകരമായിട്ടുള്ളതൊന്നുമല്ലല്ലോ. 

ലോകം വിലപ്പെട്ടതെന്ന് കരുതുന്ന സർവ്വതിനോടും ഈശോ യുദ്ധം പ്രഖ്യാപിച്ചത് കൊണ്ട് ഈശോ ദ്വേഷിക്കപ്പെട്ടു. ശിഷ്യനും സുവിശേഷമൂല്യങ്ങൾക്ക് വേണ്ടി നിലകൊള്ളുമ്പോൾ ലോകത്തിൽ ദ്വേഷിക്കപ്പെടും. നല്ല കുട്ടിയായി ലോകത്തോടനുരൂപപ്പെട്ട് സുവിശേഷ സത്യങ്ങൾക്കെതിരെ കണ്ണടച്ച് ശീലിച്ചത് കൊണ്ട് ലോകത്താൽ വെറുക്കപ്പെടാൻ ഒരു സാധ്യത്വയുമില്ല !

ഈശോയ്ക്കും അവിടുത്തെ സുവിശേഷത്തിനും വേണ്ടി നിലനിന്നപ്പോൾ നേരിടേണ്ടി വന്ന വെറുക്കപ്പെടലും ദ്വേഷിക്കപ്പെടലും തെറ്റിദ്ധാരണകളും ശിഷ്യത്വത്തെ കൂടുതൽ ആഴപ്പെടുത്തുന്നവയാണ് എന്ന തിരിച്ചറിവിന് വേണ്ടിയാണ് എന്റെ ജ്ഞാനധ്യാനം !

✍️ അഗസ്റ്റിൻ മ്ലാവറയിൽ സി. എം. ഐ.