*ആഗസ്റ്റ് 13*
കത്തിജ്വലിക്കുന്ന തീ
"ഭൂമിയില്‍ തീയിടാനാണ്‌ ഞാന്‍ വന്നത്. അത്‌ ഇതിനകം കത്തിജ്‌ജ്വലിച്ചിരുന്നെങ്കില്‍! "
ലൂക്കാ 12 : 49
ഭൂമിയിൽ തീ ഇടനാണ് വന്നത് എന്ന് ഈശോ...
അതെ... സ്നേഹത്തിന്റെ തീ, സത്യത്തിന്റെ തീ, നീതിയുടെ തീ, പരസ്നേഹത്തിന്റെ തീ, നൈർമല്യത്തിന്റെ തീ, വിശുദ്ധിയുടെ തീ, കാരുണ്യത്തിന്റെ തീ...
ഈശോയുടെ വരവിൽ ഭൂമിയിൽ നിറഞ്ഞ തീ ഭിന്നത വിളിച്ച് വരുത്തുന്നുണ്ട് എന്നും വചനം വ്യക്തമാക്കുന്നു...
സ്നേഹത്തിന്റെ തീ വിതക്കുന്നവന് എങ്ങനെ ഭിന്നത വിതയ്ക്കാനാകും?
സ്നേഹവും ഭിന്നതയും എങ്ങനെ ചേർന്ന് പോകും?
ഉത്തരം ലളിതമാണ്...
ഈശോയുടെ പരിശുദ്ധാത്മാവാകുന്ന തീ ഒരാളിൽ നിറയുമ്പോൾ പാപത്തിലേക്ക് നയിക്കുന്ന എല്ലാത്തിനോടും അയാൾക്ക് ഭിന്നതയിൽ ആകേണ്ടി വരുന്നു...
ഈശോയോടുള്ള സ്നേഹം പാപത്തോടും പാപസാഹചര്യങ്ങളോടും ഭിന്നത ആവശ്യപ്പെടുന്നു എന്ന് സാരം...
✍️ അഗസ്റ്റിൻ മ്ലാവറയിൽ സി. എം. ഐ.
Good reflection.
ReplyDelete