കർത്താവിന് വഴിയൊരുക്കുന്നവൻ

ജ്ഞാനധ്യാനം

2020 ഡിസംബർ 15

കർത്താവിന് വഴിയൊരുക്കുന്നവൻ

"ഇവനെപ്പറ്റിയാണ്‌ ഏശയ്യാപ്രവാചകന്‍വഴി ഇങ്ങനെ അരുളിച്ചെയ്യപ്പെട്ടത്‌: മരുഭൂമിയില്‍ വിളിച്ചുപറയുന്നവന്റെ ശബ്‌ദം - കര്‍ത്താവിന്റെ വഴിയൊരുക്കുവിന്‍; അവന്റെ പാതകള്‍ നേരേയാക്കുവിന്‍."

മത്തായി 3 : 3

സഖറിയയ്ക്കും എലിസബത്തിനും വർദ്ധക്യത്തിൽ ദൈവം സമ്മാനിച്ച "ദൈവം കരുണാപൂർവ്വം നൽകിയ സമ്മാനം " എന്നർത്ഥം വരുന്ന യോഹന്നാൻ തന്റെ ദൗത്യം ആരംഭിക്കുന്നതുമായി ബന്ധപ്പെട്ടുള്ള സുവിശേഷമാണ് ജ്ഞാനധ്യാനത്തിനാധരം...

ഏശയ്യാ പ്രവചിച്ചത് പൂർത്തിയാകുന്നു... കർത്താവിന് വഴിയൊരുക്കുവിൻ, അവിടുത്തെ പാതകൾ നേരായക്കുവിൻ എന്ന് മരുഭൂമിയിൽ വിളിച്ചു പറയുന്ന ശബ്ദമായി ഒരാൾ വരും എന്ന് ആരുന്നൂറോളം വർഷങ്ങൾക്ക് മുമ്പ് ഏശയ്യാ പ്രവചിച്ചത് സ്‌നേപകയോഹന്നാണിൽ പൂർത്തിയാകുന്നു...

യോഹന്നാനെക്കുറിച്ച് എഴുതപ്പെട്ട സുവിശേഷസാക്ഷ്യങ്ങൾ കണ്ടെത്തി ജ്ഞാനധ്യാനം തുടരാം...

യോഹന്നാനുവേണ്ടി മത്തായി സുവിശേഷകർ കരുതി വയ്ക്കുന്ന വിശേഷമായ വിവരണങ്ങൾ  എന്തൊക്കെയാണ് ?

1. കർത്താവിന് വഴിയൊരുക്കുവിൻ എന്ന് വിളിച്ചു പറയുന്ന ശബ്ദമായി മാറിയവൻ 

2. പാപമോചനത്തിനുള്ള അനുതാപത്തിന്റെ സുവിശേഷം പ്രാഘോഷിച്ചവൻ

3. ദൈവജനത്തെ അനുതാപത്തിന്റെ സ്‌നാനത്തിലേയ്ക്ക് നയിച്ചവൻ

4. ലളിതമായ ഭക്ഷണക്രമവും ജീവിതചര്യയും പുലർത്തിയവൻ

എല്ലാ വിശേഷണങ്ങളും എന്റെ ആത്മീയ ജീവിതത്തിന്റെ പാപ്പരത്വത്തെ വെല്ലുവിളിക്കുന്നു....

✍️ അഗസ്റ്റിൻ മ്ലാവറയിൽ സി. എം. ഐ.