സുവിശേഷവേല

ജ്ഞാനധ്യാനം

2020 നവംബർ 12

സുവിശേഷവേല

"അവിടെയുള്ള രോഗികളെ സുഖപ്പെടുത്തുവിന്‍. ദൈവരാജ്യം നിങ്ങളെ സമീപിച്ചിരിക്കുന്നുവെന്ന്‌ അവരോടു പറയുകയും ചെയ്യുവിന്‍."

ലൂക്കാ 10 : 9

സുവിശേഷം പ്രാഘോഷിക്കാൻ നിയോഗിക്കപ്പെട്ടവർക്ക് ഈശോ പ്രായോഗിക നിർദേശങ്ങൾ നൽകുന്നു...

ദൈവരാജ്യത്തിന്റെ ആഗമനം അറിയിക്കുകയും പ്രാഘോഷിക്കുകയും ചെയ്യുകയാണ് ശിഷ്യത്വത്തിന്റെ കാതൽ എന്ന് മനസ്സിൽ ഉറപ്പിക്കേണ്ടതുണ്ട്...

സാനിധ്യം കൊണ്ടും പ്രാർത്ഥന കൊണ്ടും അനേകർക്ക് സൗഖ്യം നൽകുകയും ദൈവരാജ്യത്തിന്റെ ആഗമനം സധൈര്യം പ്രാഘോഷിക്കുകയും ചെയ്യുന്ന ശിഷ്യരിലൂടെയാണ് സുവിശേഷം യഥാർത്ഥത്തിൽ കൈമാറ്റം ചെയ്യപ്പെടുന്നത്...

ഒരുപാട് ജീവിതവ്യാപാരങ്ങളിലും തിരക്കുക്കൾ നിറഞ്ഞ ഉത്തരവാദിത്വങ്ങളിലും ഏർപ്പെടുമ്പോൾ ഈശോയുടെ സുവിശേഷം  തന്നെയാണ് ലക്ഷ്യം എന്ന് സ്വയം ഓർമ്മിപ്പിക്കാം...

ഈശോയ്ക്ക് വേണ്ടി ജീവിതം സമർപ്പിച്ചിട്ട് അവിടുത്തെ സുവിശേഷത്തിന്റെ വാഹകനാകാൻ ദൗത്യം ഏറ്റെടുത്തിട്ട് മാറ്റാർക്കോ വേണ്ടി ഓടി, മറ്റെന്തൊക്കെയോ ലക്ഷ്യങ്ങളിലേയ്ക്ക് ചുരുങ്ങി പോയാൽ അതിൽ പരം ദുരന്തം വേറെന്തുണ്ട്?

✍️ അഗസ്റ്റിൻ മ്ലാവറയിൽ സി. എം. ഐ.