2021 ജൂൺ 3
ജീവന്റെ അപ്പം
"സ്വര്‍ഗത്തില്‍നിന്നിറങ്ങിയ ജീവനുള്ള അപ്പം ഞാനാണ്‌. ആരെങ്കിലും ഈ അപ്പത്തില്‍നിന്നു ഭക്‌ഷിച്ചാല്‍ അവന്‍ എന്നേക്കും ജീവിക്കും. ലോകത്തിന്റെ ജീവനുവേണ്ടി ഞാന്‍ നല്‍കുന്ന അപ്പം എന്റെ ശരീരമാണ്‌."
യോഹന്നാന്‍ 6 : 51
മനുഷ്യന്റെ കൂടെയായിരിക്കാൻ കുർബാനയായി മാറാൻ ഉള്ള ആഗ്രഹം ഈശോ കേൾവിക്കാരെ മുൻകൂട്ടി അറിയിക്കുകയാണ്...
ജീവൻ നൽകുന്ന അപ്പമായി ലോകാവസാനത്തോളം അവിടുന്ന് കൂടെയുണ്ടാകും എന്ന ഉറപ്പാണ് നമ്മുടെ ബലം...
ജീവൻ നേടാനും നിലനിർത്താനും ഈ അപ്പം ഭക്ഷിക്കേണ്ടത് അത്യാവശ്യമാണ്...
സ്വർഗ്ഗത്തിലെ മുഴുവൻ കൃപകളുടെയും അടയാളമായി വിശുദ്ധ കുർബാനകളിൽ വാഴ്ത്തപ്പെടുന്ന അപ്പം മാറുന്നതിനെക്കുറിച്ച് കൂടി ആണ് ഈശോ സംസാരിക്കുന്നത്...
ഈശോയുടെ ശരീരമാകുന്ന അപ്പം സ്വർഗത്തിൽ നിന്ന് വന്നതാണ്...
അത് ഭക്ഷിക്കുന്നവർക്ക് ജീവൻ നൽകുന്നതാണ്...
മരണസംസ്കാരത്തിനുള്ള മറുമരുന്ന് ഈ അപ്പമാണ്...
അസൂയയും അഹങ്കാരവും സ്വാർത്ഥതയും ജഡമോഹങ്ങളും വരുത്തിവയ്ക്കുന്ന മരണത്തിൽ നിന്നും മോചിതരായി ജീവനുള്ളവരായി വ്യാപാരിക്കാൻ വിശുദ്ധ കുർബാനയാകുന്ന ജീവന്റെ അപ്പം യോഗതയോടെ ഭക്ഷിക്കാം...
✍️ അഗസ്റ്റിൻ മ്ലാവറയിൽ സി. എം. ഐ.
No comments:
Post a Comment